როგორ შევარჩიოთ ბავშვისთვის კომფორტული ეტლი

რადგან ახლა ამ ბლოგს კითხულობთ, ეს იმას ნიშნავს რომ ეტლის არჩევის პროცესში იმყოფებით. რჩევები, რომელსაც ბლოგში შეხვდებით დაგეხმარებათ თქვენთვის სასურველი ეტლი მარტივად აარჩიოთ. უამრავი მომავალი მშობლის სიაში შეხვდებით საბავშვო ეტლს. მშობლისთვის ეტლი, მართლაც რომ საჭირო ნივთია, სწორად არჩეული ეტლი კი წლების განმავლობაში ერთგულად გემსახურებათ. საბავშვო ეტლი - თქვენი პატარას პირველი ტრანსპორტია. ის ზრუნავს, როგორც ჩვილის, ამავდროულად მშობლის კომფორტზეც. ასე რომ, არ დაიშუროთ დრო და ენერგია ეტლის არჩევის მომენტში, ის ნამდვილად შეძლებს გაამარტივოს და უფრო კომფორტული გახადოს თქვენი ყოველდღიურობა.

შეგახსენებთ, რომ საქართველოში ყველაზე დიდი ბავშვთა სამყარო ვიშლისთშია. შესაბამისად შეძლებთ ვიშლისთის შოურუმებში კომფორტულად აარჩიოთ ევროპული ხარისხის პროდუქცია. ადგილზე წარმოდგენილია მხოლოდ EN სერთიფიცირებული საბავშვო ნივთები. ეტლის არჩევა შესაძლებელია ონლაინ ვებ-გვერდზეც. https://wishlist.ge/

სანამ კონკრეტული მოდელის არჩევაზე გადახვალთ, პირველ რიგში განსაზღვრეთ როგორი ეტლის ტიპი გსურთ. ეტლის ტიპებია: 

• ეტლის ოთხეული - კომპლექტაციაში შედის: გონდოლა (დასაწოლი) პოზიცია, სასეირნო პოზიცია 3-4 წლამდე, მანქანის ავტოსავარძელი 0-13კგ ახალშობილისთვის და მშობლის ჩანთა. ძირითად შემთხვევაში ეტლის ოთხეულს დამატებით აქსესუარებიც ახლავს, როგორიცაა: ჭიქის სათავსო, საწვიმარი, მწერებისგან დამცავი ბადე, ფეხსაფარი (რომელიც ბავშვს ქარისგან და წვიმისგან იცავს), მატრასი. ეტლის ოთხეულებში ძირითადად მასიური კარკასია გამოყენებული. ოთხეული ეტლის პირველი პოზიცია გონდოლა (დასაძინებელი) პოზიციაა. ამ პოზიციის გამოყენება დაბადების პირველივე დღეებიდან შესაძლებელია, რადგანაც აქვს ჩვილისთვის საჭირო სწორი დასაწოლი. ამასთანავე აქვს მყარი ქვედა ნაწილი, რისი მეშვეობითაც მისი მოთავსება შესაძლებელია ნებისმიერ ადგილას, იატაკსა და ბალახზეც კი. ასევე შეგიძლიათ კარკასზე დაამაგროთ მანქანის ავტოსავარძელიც, ეს კომბინაცია სატარებლად ძალიან მოსახერხებელია. მაგალითისთვის, შეგიძლიათ მხოლოდ კარკასის წაღება თუ მანქანაში ნაკლები ადგილი გაქვთ და შემდგომ ამ კარკასზე ქარსითის ჩამაგრება, რომელიც უკვე მანქანაშია მოთავსებული. ასევე, კომფორტულია იმ მომენტში როცა თქვენს პატარას ჩაეძინება. ასეთ დროს შეგიძლიათ უბრალოდ ამოიღოთ ქარსითი და დაუმაგროთ კარკასს, ამით შეძლებთ პატარას გაღვიძების გარეშე, მშვიდად დაიწყოთ სეირნობა. 

• ტრანსფორმერი ეტლი - მოიცავს კალათას, რომელიც შემდგომ გადაკეთდება დასაჯდომ პოზიციად. ძირითადად, ტრანსფორმერი ეტლი შეიძლება გამოყენებულ იქნას როგორც ახალშობილისთვის (სრულიად ჰორიზონტალურ პოზიციაში), და ასევე კალათის მჯდომარე პოზიციაზე გადაკეთების შემდგომ პერიოდშიც, როდესაც ბავშვი ჯდომას დაიწყებს. გაითვალისწინეთ, ტრანსფორმერი ეტლის ზედაპირი მყარი არ არის, მაგალითად თუ ეტლის ოთხეულის შემთხვევაში გონდოლის ამოღება შეგვეძლო და ნებისმიერ ზედაპირზე მოთავსება, ტრანსფორმერ ეტლს ამისთვის ვერ გამოვიყენებთ. ეს არის მათთვის, ვისაც ეტლის დამატებითი პოზიციები არ სურს.

• მსუბუქი სასეირნო ეტლი- იდეალური ვარიანტია სასეირნოდ. იგი არის შედარებით თხელ კონსტრუქციაზე და დაკეცილ მდგომარეობაში მაქსიმალურად პატარავდება. მსუბუქი სასეირნო ეტლი იყოფა ორ კატეგორიად - დაბადებიდან და 6 თვიდან გამოსაყენებელ ვარიანტად. მსუბუქი სასეირნო ეტლი, რომლის გამოყენებაც დაბადებიდან არის რეკომენდირებული სრულად ითვალისწინებს უსაფრთხოების იმ რეგულაციებს, რაც ჩვილ ბავშვს სჭირდება. შესაბამისად, მისი საზურგის გადასვლის დონე სრულად რეკომენდირებულია დაბადების პირველივე დღეებიდან გამოსაყენებლად. რაც შეეხება 6 თვიდან გამოსაყენებლ ეტლს, ლოგიკურია რომ მისი გამოყენება დაბადებიდან არ შეიძლება. ასეთ ეტლში მხოლოდ იმ პერიოდის შემდეგ შეგვიძლია ბავშვი ჩავსვათ, როცა უკვე ჯდომას დაიწყებს. ძირითადად ასეთ ეტლს სიმსუბუქისა და კომპაქტურობის გამო ყიდულობენ. 

• ტყუპების ეტლი - საკმაოდ გავრცელებულია ორ ან მეტ ადგილიანი ეტლები ტყუპებისთის ან უბრალოდ დედმამიშვილებისთვის. არსებობს ორი ტიპის ტყუპების ეტლი. პირველი, სადაც ერთი ბავშვის უკან ზის მეორე. ან ეტლი, სადაც ბავშვები ერთმანეთის გვერდით სხედან. პირველი ვარიანტი სატარებლად ნაკლებად გაბარიტულია და, რა თქმა უნდა, უფრო კომფორტულია ვიწრო ადგილებში სასიარულოდ. თუმცაღა, არაკომფორტულია უკან მჯდომი პატარასთვის, რომელსაც წინ მეორე ბავშვის საზურგე უფარავს ხედვის არეალს. ხოლო მეორე შემთხვევაში, როცა ბავშვები გვერდიგვერდ სხედან, სრულად აღიქვამენ სამყაროს. აუცილებლად გაითვალისწინეთ, რომ მსგავსი ტიპის ეტლები საკმაოდ განიერია და არ არის გათვლილი პატარა ლიფტებისთვის, ამასთანავე დაკეცვის მომენტში საკმაოდ მოცულობითია. ტყუპებისთვის ასევე მოსახერხებელია ეტლები, რომლის გადაბმაც არის შესაძლებელი. მაგალითად, ყიდულობთ ორ ეტლს და აკავშირებთ გადამყვანით. ვფიქრობ ეს კომფორტულია, მაშინ როდესაც ძირითადად ორი ადამიანი ასეირნებს პატარებს. ამ მომენტში შეგიძლიათ ეტლების განცალკევება, ხოლო მარტო გასეირნების შემთხვევაში დაკავშირებაა.

ერთად გადავხედოთ რამდენიმე ფაქტორს, რომლებიც აუცილებლად უნდა გაითვალისწინოთ თქვენი პატარასთვის საუკეთესო ეტლის ასარჩევად.

• პირველი და ყველაზე მნიშვნელოვანი, გაარკვიეთ ეტლის ბრენდი და წარმომავლობა. აირჩიეთ ევროპული ეტლი, რომელსაც მოყვება ოფიციალური გარანტია. ევროპაში წარმოებული ეტლები გადიან უამრავ შემოწმებას. იმისთვის რომ კონკრეტულმა პროდუქტმა მიიღოს EN სერთიფიკატი ძალიან დიდ პროცედურას გადის. მოწმდება მექანიკური და ფიზიკური გამართულობა, შემავალი ელემენტების ანალიზი, ტექსტილის ანალიზი და სხვა უამრავი მსგავსი დეტალის გადამოწმების შემდგომ ენიჭება მას EN სერთიფიცირებულის სტატუსი.
• პირველ რიგში, განსაზღვრეთ ბავშვის ასაკი და მისი შესაბამისი საჭიროებები. ახალშობილებისთვის რეკომენდებულია ეტლები, რომლებსაც აქვთ სრულიად ჰორიზონტალური პოზიცია, რაც უზრუნველყოფს პატარას სწორ განვითარებას. 6 თვის ზემოთ ბავშვებისთვის კი მისაღებია ეტლები, რომლებსაც აქვთ მჯდომარე პოზიცია და რეგულირებადი საზურგე.
• აუცილებლად მოარგეთ თქვენი მომავალი ეტლი თქვენს ყოველდღიურ ცხოვრებას. ერთ-ერთი მთავარი გასათვალისწინებელი ფაქტორია ლიფტიც. თუ ხშირად გიწევთ მოგზაურობა და ბევრი სიარული, დიდი ზომის ეტლი თქვენთვის კომფორტული ვერ იქნება. თქვენს შვილს შეიძლება ძალიან კარგი და კომფორტული ეტლი ჰქონდეს, მაგრამ თუ მანქანაში ვერ ჩაეტევა ან გადაადგილება გაგიჭირდებათ, მაშინ ეტლის ყოლას აზრი აღარ აქვს. მოარგეთ ეტლი თქვენი მანქანის საბარგულსაც, აუცილებლად შეამოწმეთ რამდენად იკეცება ის პატარა მდგომარეობაში. თუმცაღა თუ უსწორმასწორო და ქვაფენილიან ზედაპირზე გიწევთ ხშირად გადაადგილება დიდი ზომის ეტლი თავისი ამორტიზაციით საუკეთესო მეგზურობას გაგიწევთ.
• აარჩიეთ ისეთი ეტლი, რომელიც მარტივად დაიკეცება და გაიშლება. არ უნდა დაგჭირდეთ ეტლთან წვალება დაკეცვის მომენტში, როცა ბავშვი ხელში გყავთ. ეტლი, უპირველეს ყოვლისა, თქვენი შვილის უსაფრთხოებისა და კომფორტისთვისაა შექმნილი, მაგრამ ის თქვენთვისაც მოსახერხებელი უნდა იყოს - როგორც გამოსაყენებლად, ასევე გადასაადგილებლად და გადასატანად.  
• ეტლის ყველაზე მნიშვნელოვანი ნაწილები, რომლებსაც ყურადღება უნდა მიექცეს, არის ბორბლები, მუხრუჭი, ამორტიზაცია და კარკასი. სწორედ ამ ნაწილებზეა დამოკიდებული, რამდენად კარგი იქნება ეტლი. აუცილებლად შეარჩიეთ ხარისხიანი მასალისგან დამზადებული. კარკასი და ბორბლები უნდა იყოს გამძლე და საიმედო, ხოლო მუხრუჭები და ამორტიზატორები - სტაბილური და გამართული.

ბაზარზე არსებული მრავალფეროვანი არჩევანის გამო, ხშირად რთულია სწორი გადაწყვეტილების მიღება. ბლოგში მოცემული რჩევები გაგიმარტივებთ არჩევის პროცესს და წარმოდგენას შეგიქმნით რისი მოძებნა გსურთ მაღაზიაში მისულს. შეგახსენებთ, რომ ვიშლისთში წარმოდგენილია მხოლოდ ევროპული, EN სერთიფიცირებული და საუკეთესო ხარისხის ეტლები, რაც მთავარია საუკეთესო საგარანტიო პირობებით. იმედია, ეს რჩევები დაგეხმარებათ სწორი არჩევანის გაკეთებაში და თქვენი პატარასთვის კომფორტული ეტლის შერჩევაში!